Kanpainak

Abian dugu Ardi-esne denboraldia. Etxean mamia egiteko ohitura duzue zuetako askok, bada baliatu aukera! Astearte arte duzue eskaera egiteko aukera eta asteazkenetan ekartzen digute Eguzki-Borda baserriko kideek.

Abian dugu Balentziako laranja ekologikoen denboraldia, urtero bezala 10kg-ko kaxetan etxeratu ahal izango dituzue. Astero astero jasoko ditugu, asteartetan normalki. Ze pena ezin dela duten usain gozoa irudien bidez transmititu.

Aspaldian galdezka ari zineten Iturriren intxaurren inguruan, bada, pozik iragartzen dizuegu dagoeneko jaso dugula aurreneko eskaera eta eskuragarri dituzuela 2kg-ko poltsetan. Guk dastatu ditugu eta mundialak daude.

Getariako Lahardi baserriko sagar ekologikoak ere ekarri dizkigu Jonek. Benetako sagar zaporetsuak, ez formaz perfektu, artifizial eta dizdiratsu baina zaporerik gabeak. Kontsumitu bertakoa eta garaian garaikoa!!

Astero astero Ninok Karkarren ekologikoki ekoitzitako neguko barazki eder-ederrak ekartzen dizkigu: brokolia, azalorea, aza,… Gogoratu naturak urte sasoi bakoitzean gorputzak behar duena ematen digula beraz, txertatu eguneroko elikaduran azakiak.

A zer sorpresa hartzen dugun Karkarreko Ninok orburu ekologikoak ekartzen dizkigunean!! Momentuz lotsati dabiltza denboraleekin oso atzeratuta baitator aurtengo uzta. Horregatik, tarteka uzta txikia ekartzen digu, dozena gutxi batzuk besterik […]

Ibarrako piparrak kontserban ontzi txikiagoan ekarri dizkigute Txumitxako lagunek. Familia txikietarako edo kolpetik dena jaten ez dugunoi ez hondatzeko lagungarria. Tolosako babarrunen goarnizio gisa zein hegaluze eta antxoilekin egindako pintxoei […]

Eguberrietako beste elikagai kuttun bat Irrikako Ainarak horrenbeste mimorekin ekoitzitako txokolatezko polboroiak dira. Asteazkenero jasotzen ditugu. Gluten eta azukrerik gabeak dira. Bestetik, iaz bezala, aurten ere, Errege Egunerako erroskoa eskatzeko […]

Rakelek eginiko artilezko zapatila eta plantilak ere dagoeneko eskuragai dituzue, neguan gure oinak goxatzeko. %100ean gertuko Latxa artile birjinarekin eginak dira, tinte eta koloranterik gabe eta zola egiteko kautxu naturala […]

Azaro hasieran jaso genituen Amezketan Leirek egindako TURROI eta POLBOROI ekologikoak baina gaur arte ez ditugu salgai jarri nahi izan, azalera handietan ez bezala, ez baitugu kontsumismoa bultzatu nahi. Baina […]

Dagoeneko jaso ditugu 2026ko Ilargiaren egutegiaren aurreneko aleak. Etxe askotan toki kuttuna gordea dutela badakigu.

Oreretako Aurrinbekoa baserriko Jose Luis hasi zaigu urtero bezala kiwiak ekartzen, aurtengo lehenengoak. Joan den astearen hondarrean berriz, Getariako Lahardi baserriko Jonek ekarri zizkigun denboraldi honetako aurreneko kiwi ekologikoak. Nork […]

Oihanalde Baserriko Arantxa eta Felixek behi zaharraren haragi ekologiko loteak eskaintzen dizkigute berriro ere. Gehienez 10kg-ko 12 lote edo 5kg-ko 24 lote  eskuratzeko aukera dugu. Eskaerak jasotzen ditugun ordenean joango […]

Abian dugu Eguberrietako arkume ekologikoaren kanpaina. Azken urteetan bezala, Zuberoako Lohitzun herrixkan kokatutako Paxkoteia etxaldeko arkumea eskuratu ahal izango duzue. Oso harrera ona du zuen artean kategoriko haragi honek; horregatik, […]

Aspaldian faltan genuen brokolia gure saskietatik baina dagoeneko amaitu da itxaronaldia. Gainera Elikako lagunek Makutsoko baratzeetan eta Ninok Karkarren mimoz ekoitzitakoak jasotzen hasi gara. Begira begira nolako itxura samurra duten!! […]

Aspaldian bertako intxaurren falta genuen eta zuen artean nabari zen irrika bada gaurkoan ofizialki estrenatu dugu aurtengo denboraldia. Gaurkoan Karkarreko intxaur ekologikoak ekarri baitizkigu Ninok eta bihar Felipek Araban bere […]

Balentziako mandarina ekologikoak jasotzen hasi gara asteartero, Carmenek familian ekoitzi eta zuzenean bidaliak. Denboraldi hasiera izaki, ikutu gazia dute eta mundialak daude. Baliatu aukera!!

Baratzako lanak aurretik doaz eta urte sasoi bakoitzean erein beharreko haziak ere aldatzen dira. Udazkenean adibidez udaberrian jaso nahiko dugun uztaren araberako landaketak egin behar izaten dira. Horregatik, hazi ekologiko […]

Baratzeetan kolore berde eta laranja nagusitzen ari den honetan, inguruko baratzezainen txikoria eta zerba ekologikoak ere hasi gara egunerokoan jasotzen. Naturak ondotxo daki gure gorputzek urte sasoi bakoitzean zer den […]

Nafarroako udare-tomate ekologikoa jasotzen ari gara azken asteetan. Labean eginda oliba olio txorrotada, oregano eta baratxuri freskoarekin jateko mundiala da!! Baliatu bertako tomatea jateko azken aukerak, badakizue eta ondoren itxaronaldia […]

Begira begira nolako porru sorta ederrak ekarri dizkiguten Elikako lagunek bertatik bertara. Osasuna 0km-tik zuzenean gure etxeetara. Arantzatik ere ekartzen dizkigute Mikel eta Elik pisura. Zein zortedunak garen!!

Udako barazki azidoekin bapo ase ostean, bagenuen neguko barazkiak jaten hasteko gogoa. Arraztaloko lagunek mimoz ekoitzitako azalore ekologikoak pisura eskuratzeko aukera duzue egunotan.

Udazkenean aurrera egin ahala, hasi gara inguruko nekazarien kuia barietate desberdinak jasotzen: Gernika, Potimarroi, Kakahuete… Oiartzungo Potimarroi ekologikoa ere eskuratzeko aukera duzue gaurkoan. Arraztaloko kideek ekarri berri dizkigute. Dendariek egunerokoan […]

Abian dugu bertako erremolatxaren garaia ere. Begira nolako sorta ederrak ekarri dizkigun Joxerrak!! Ohiko moduan kontsumitzeaz gain, likuatuan jan edo hanburgesa begetarianoak egiteko ere oso aproposak dira. Probatu dituzu horrela?