Laboren zaintza bere zentzu zabalean ulertzen dugu: komunitateko kideon osasuna, langileak, ekoizleak, bazkideak eta ingurumenaren zaintza aldarrikatzen dugu. Bizitza erdigunean jartzen dugu, harreman gizatiarrak eta errespetuzkoak josten ditugu eta giza-neurrira eginiko proiektuak sustengatzen ditugu.
Komunitatea bere kide guztien zaintzaz arduratzen da. Gure kideen artean elikadura osasungarria izateko eskubidea bermatuta egotea da asmoa. Hau da, familia bat ez dadila erosketa Laboren egin gabe geratu, edo erosketaren zati bat soilik eginda, arrazoi ekonomikoengatik. Horretarako, elkar laguntzeko sistema berritzaileak sortu eta abian jarriko ditugu, Italiako kafe eskegiaren edo Frantziako “baguetteak attente”-en parekoak.
Elkartasun Txokoa
Altxa burua-Guria ibilli posible zu
Altxa Burua Oiartzun taldea sortu dute haur eta gazteek mugikorraz egiten duten erabileraz arduratuta dauden hamarnaka guraso oiartzuarrek. Teknologiaren erabilera egokia bultzatu nahi du taldeak, eta haur eta gazteei interneterako sarrera duten gailuak ematea aztertzea, ikastetxeak telefono mugikorrik gabeko arnasgune bihurtzea edota helduak eta seme alabak erabilera egokian trebatzea lortu nahi dute, besteak beste. “Lehenengo…
Nepalgo nesken hezkuntzaren aldeko egutegi solidarioak
Aurten estreinakoz Nepaldala GKEak argitaratutako egutegiak jarri ditugu salgai. Mendizale askorentzat Nepal herrialde kuttuna da eta egutegiko argazkiak ere zoragarriak dira!! Nepal herrialde zoragarria da, non bizi baldintzak ez diren errazak edonorentzat baina neskek… neskek oso zaila dute. Nepaldala Hondarribiko 3 neskek Nepalgo mendebalde urruneko Bahjan eskualdeko neskatilei hezkuntza eskaintzeko sortutako GKE da. Proiektu honekin…
Seaskaren aldeko egutegiak
Seaskaren aldeko egutegiak ere eskuragai dituzue gurean. Seguru zuetako askoren etxeetan tokia gordea duela honezkero Iparraldeko ikastolen aldeko egutegiak.
Izan Iñurriren egutegiak salgai
Izan Iñurri Irabazi Asmorik gabeko Elkartearen 2025eko egutegiak dagoeneko salgai ditugu. Minbiziaren akonpainamendu, formazio eta dibulgazioan ikuspegi feminista eta eraldatzaile batetik diharduen elkartea da. 2019an jaio zen, ohartu zinenean ez zegoela minbizia normaltasunez, tabuetatik libre eta zuzenean nahiz zeharka bizi duten pertsonak ahalduntzeko eran lantzeko gunerik. Orain arteko bideak argi utzi die premia erreal, urgente…
Txokolatezko egutegiak Seaskaren alde
Piskanaka urte amaierara hurbiltzen ari garela iragartzen digute dagoeneko urteroko gutizia bihurtu diren Hendaiako Ikastolaren aldeko txokolatezko egutegiek. Baigorriko Laia txokolategiko txokolatearekin eginak daude. Badira ja bi aste eskuragai dituzuela, zure alea nahi izanez gero, bizkor ibili berehala amaitzen baitira!! Babes dezagun Seaska!!
Errigoraren Puzka 2024 kanpaina
Urriaren 24tik azaroaren 14ra luzatuko da auzolan-ariketa erraldoi honetan Agerreko, alegia, Nafarroa erdi eta hegoaldeko, produktuz osatutako 3 saski eskainiko dira eta horien balioaren %25 zonaldeko euskalgintzari bideratuko zaio. Ekin eta ekin, urteak dira jada Agerrean euskara sustraitzeko lurra landu eta iraultzeko lanetan dabiltzala. Auzolan erraldoi batean lantzen dugu lurra, euskaltzaleon arteko elkartasunez ematen diogu…
Inklusioa nekazaritzaren bidez
Gureak-en barruan adimen-desgaitasuna duten pertsonak lan-munduan txertatzeko Pausoak naturarekin harremanetan garatzen den programa okupazionala da. Kutxa Ekogunea parkean dago, Donostiako erdigunetik 10 minutura. Programako kideek Miramongo lurretan mimoz ekoitzitako barazkiak jasotzen ditugu urtero uztailean zehar. Gaur jaso dugu aurtengo lehenengo haien uzta: entsaladako eta saltsa egiteko tomatea eta lekak. Kalitate bikaineko barazki ekologikoak ekartzeaz gain,…
Sukaldaritzako saio inklusiboak
Oarsoaldeko Garapen Agentziak Ereiten programaren barruan Maiteren gidatuta bazterketa sozialeko arriskuan dauden epe luzeko langabetuekin Laboreko sukaldean egiten dituzte bi astean behin sukaldaritzako saioak. Horrelako ekimenak bultzatzea garrantzitsua iruditzen zaigu kolektibo zaurgarrienak zaintzeko baina ez karitatez haiek ahalduntzen baizik. Balore baliotsuak lantzen dituzte suaren bueltan. Bide horretan Labore Oarsoaldeko Garapen Agentziaren konplizea da. Iaz gurekin…
Amillubiren aldeko errifak salgai
Duela aste batzuk azaldu genizuen zer den Amillubi proiektua. Funtsean herritarrek elikagaiak eta nekazariek lurrak izan ditzaten sorturiko mugimendu agroekologikoa da eta lurra babestea da helburu, Amillubi baserria eta bere lurrak erosita. Biolur elkartea da proiektuaren sustatzailea. Proiektuari babesa emateko eskatzen dabiltza, eusten gaituen lurra babesteko. Bide desberdinak dauzkagu horretarako: diru-dohaintza, bono-laguntzak, proiektuaren zabalkundean laguntzea,……
Oliba olioa denontzat
Merkatuko prezio gorakada dela eta, Eguberri hauetan Laboreko bazkiderik oliba olio birjinik gabe gera ez geratzeko, iazko uztako azken 500ml-ko botila batzuk eskuratu genituen eta iazko prezioan jarri ditugu salgai. Hauxe zaintza erdigunean jartzeko hartu dugun erabakia. Bide batez Castillo de Ablitaseko oliba olio bikaina izango duzue eskuragai hemendik aurrera. Akaso Errigorako kanpainetan parte hartu…
Elikagai bilketa Sahararako
Urtarrilean zehar Saharako kanpalekuetara bidaltzeko elikagai bilketa egingo dugu (zerealak, lekaleak, arrain kontserbak, azukrea eta konpresak). Oiartzungo El Watan Elkartearen ekimenez urtero egiten da elikagai bilketa egoera lazgarrian bizi diren saharar errefuxiatuei laguntzeko. Laborek ere bere hondar alea jarri nahi duenez, duela urte batzuetatik ekimenarekin bat egin eta elikagai bilketako puntu gisa funtzionatzen du. Egutegia…
Palestinaren aldeko txapak eta banderak salgai
Orereta Palestinarekin Elkartea sortu berri dute Gazan gertatzen ari den genozidioaren inguruko sentsibilizazio eta difusioa egiteko helburuarekin. Antolatzen ari diren ekimen desberdinen berri izateko jarraitu haien sare sozialetako kanala @oreretapalestinarekin . Abiatu duten lanketan sortzen ari zaizkien gastuei aurre egiteko TXAPAK eta Oreretako komunitate arabiarrak eskuz jositako BANDEROLAK ekarri dizkigute Laboren saltzeko. Eskudiruaren truke eskuratu…