Benetan arrakastatsua izan zen azaro erdialdean egin genuen barazki fermentatuen tailerra, jende mordoa gerturatu zen jaki osasuntsu hauek prestatzen ikasteko gogoz, pentsa sukaldea txiki geratu zitzaigun! Bertaratzeko aukerarik izan ez zenutenontzat, saioan prestatu genituenak jasotzen dituen apunteak eskuragarri ditugu, eskatu laborezain@laboreoarso.eus helbidea eta bidaliko dizuegu emailez.
FERMENTAZIO TAILERRA LABOREn
SARRERA
Fermentazioa antzinako teknika da, milaka urtez elikagaiak mantentzeko erabili izan dena, eskasia garaian batez ere.
Fermentazio laktikoaren bidez, probiotikoak sortzen dira, mikroorganismo bizidunak dira eta gure hesteetara iristen direnean aktibo jarraitzen dute. Probiotikoek heste-floran onura nabarmenak ekartzen dituzte, immunitate sistema indartzen laguntzen dute eta hesteetan dagoen mikrobiotaren %70ek gure defentsak indartzen laguntzen du, beraz, fermentatuak kontsumitzea oso onuragarria da osasunarentzat.
FERMENTAZIO MOTAK
- Gatzuneta:
20 gramo gatz litro bakoitzeko (beroa egiten badu, 35 gramo erabil daitezke). - Lehorrean gatzatu:
Barazkien pisuaren %2 gatz erabili behar da
ZEIN BARAZKI ERABILI DAITEZKE?
Barazkiak askotarikoak izan daitezke, ez dago mugarik:
- Errefautxoak
- Erremolatxa
- Tipula
- Lombarda
- Aza
- Kuiluzea
- Azenarioa
Espeziak gehitzeko aukera ere badago, zapore bereziak emateko:
- Jengibrea
- Kardamonoa
- Piperbeltza
- Ziape haziak, martorria, anisa, mihilua
- Aneta
- Baratxuri edo tipula…
PROZESUA
Beharrezko materialak:
- Kristalezko ontzia
- Barazkiak
- Labana (birringailua, azala-zuritzekoa edo mandolina)
- Gatza
- Ura
Prestaketa pausoak:
- Barazkiak garbitu eta moztu:
Barazkiak ondo garbitu eta finak moztu (juliana), xerratan edo zati txikietan, nahi duzun moduan. Birringailua, mandolina edo labana erabil daitezke. - Gatzatzeko:
- Lehorrean:
- Gehitu gatza barazkiei eta ondo masajeatu gatza ondo sartzeko. Baita ere botean bertan barazkiekin ohetxo bat egin dezakezu, eta horren gainean gatz pitin bat ipini, eta pisu batekin indarra egin. Bote bete arte, ipini barazki ohetxoa eta gatza.
Bertan utzi barazkiek euren likidoa askatzen duten bitartean (gutxienez 30 minutuz). - Pisua jarri, barazkiek zuku gehiago askatzeko.
- Sartu barazkiak kristalezko ontzian, eta ziurtatu likidoarekin guztiz estaltzen direla.
- Gehitu gatza barazkiei eta ondo masajeatu gatza ondo sartzeko. Baita ere botean bertan barazkiekin ohetxo bat egin dezakezu, eta horren gainean gatz pitin bat ipini, eta pisu batekin indarra egin. Bote bete arte, ipini barazki ohetxoa eta gatza.
- Gatzuna :
- Prestatu, 20 gramo gatz litro ur bakoitzeko (edo eguraldia beroa bada, gehiago).
- Sartu barazkiak kristalezko ontzian.
- Bota prestatu dugun nahasketa ontzian, barazkiak guztiz estaliz. .
- Lehorrean:
- Fermentazioa:
Gorde kristalezko ontzia leku ilun eta lehor batean, giro-tenperaturan, gutxienez astebetez. Garrantzitsua da barazkiak beti likidoarekin estalita egotea ( barazkien berezko zukuan edo guk prestatuda gatzunearekin )). - Fermentazioa zaindu:
Lehenengo astean zehar, ireki kristalezko ontzia 2-3 egunez behin gasak askatu dezan. - Kontserbatzeko:
Astebete pasatakoan, gorde kristalezko ontzia hozkailuan. Fermentazioa jarraituko du, baina erritmo motelagoan hozkailuan.
“GAIZKI ATERA EZ DELA” EGIAZTATZEN
Fermentazioa prozesu kontserbatzailea den arren, egon daitezke arazo batzuk baldintza egokiak ez badira betetzen.
- Botulismoa:
Hau da fermentazioan sor daitekeen arazo handiena, baina oso zaila da gertatzea, ingurunean sortzen den azidotasunaren ondorioz. - Lizuna:
Lizuna azaltzen bada, fermentazioa ahula dela edo barazkiak ez direla likidoarekin ondo estaltzen ari direla adierazten du. Kasu horretan, lizuna kendu eta ziurtatu barazkiak likidoan ondo sartzen direla. - Usain txarra
Arrautzak usain txarra duenean, hoberena desegitea da. Oso zaila da hori gertatzea, baina gertatuko balitz, zerbait gaizki atera dela esan nahi du - Gomendio gehigarria: data jarri ontzi bakoitzean, fermentazio prozesuaren kontrola izan ahal izateko.
Goza itzazu zure etxeko fermentuak! Probiotikoen iturri bikainak dira eta zure hesteen osasuna eta defentsak indartzeko modu goxoa.
Gaian sakontzen jarraitu nahi baduzu, ez galdu Yo soy fermentista bloga.
Oso arratsalde atsegina eta interesgarria pasatu genuen. Milesker bihotzez Valquiria eta Auria Laborezainei gure gonbita onartu eta zuen jakintza gurekin partekatzera etortzeagatik!! Eta hitzordura gerturatu zineten Laborezain guztioi ere eskerrik asko!! Ekimenak antolatzen jarraitzeko indarra ematen diguzue.
Datozen hilabetetan tailer gehiago antolatuko ditugu (ogia, kefirra, kombucha,… egiten ikasteko), adi deialdiei!! Eta jakin zuk ere tailerren bat emateko gogoa izango bazenu, gogoz hartuko dugula zure proposamena, horretarako idatzi info@laboreoarso.eus-era.
Jarraian duzue tailerrean zehar ateratako argazkien galeria eta bideo sorta.
