Datorren astean 8 urte egingo ditu Denda ireki genuenetik eta ohi dugun bezala, aurten ere, urteurrena zuekin elkartzeko baliatu nahi dugu. Batetik, 2024ak eman duena eta Laboreren egungo egoera zuei azaltzeko eta, bestetik, hasi berri dugun urteari begira, mahai gainean ditugun lan-ildoen inguruan saio parte hartzaile bat egiteko.
Batzarra gure elkartearen organo gorena da eta bertan onartzen ditugu epe luzeko ikusmirarekin helburu estrategikoak. Horregatik, oso garrantzitsua da ahalik eta bazkide gehien bertaratzea. Urte osoan zehar gurekin harremanetan jartzeko hainbat bide badituzuen arren, Batzarrak aukera paregabea ematen digu zuen interesekoak izan daitezkeen gaiei sakonago heltzeko. Animatu beraz, parte hartzera! Gure helburuak lortzeko Denda dugun tresnarik garrantzitsuena den arren, hainbat alorretan ari gara lanean eta Batzarrak aukera ematen digu guzti hori zuei kontatzeko.
Proiektua sendotzeko urrats garrantzitsuak ematen ari gara eta etorkizunera begira ere erronka politak ditugu ortzimugan. Zatoz egungo egoera ezagutu eta hurrengo helburuei forma ematen laguntzera. Une ilusionagarrian gaude, bidea elkarrekin egitera animatzen?
