Oihanalde Baserriko Arantxa eta Felixek behi zaharraren haragi ekologiko loteak eskaintzen dizkigute berriro ere. Jakin dugunez, kanpaina honen ostean denboraldi luze xamar batean ez dute behirik izango beraz, kontutan izan zuen eskaerak egiteko garaian.
Aurreko edizioetan bezalaxe, haragi freskoa ekarriko digute, hutsean ontziratua eta etxe bakoitzeko ohituren arabera norberak erabaki ahal izango du ondoren etxean zer eta nola izoztu. Lotea erosita ekonomikoagoa ateratzeaz gain, behi-zaharraren haragia izaki, egunerokoan eskura ez dugun haragia lortzeko aukera dugu, izan ere, Dendan salgai dugun Oihanalderen haragia txekorrarena da.
Jarraian dituzue xehetasunak baina aurreratzen dizuegu, ekoizpen kostuen gorakada tarteko (argindarra, plastikozko ontziak eta kartoia), prezioa zertxobait igo dutela. Oraingo honetan haragi loteez gain, azpizuna solte eskatu ahal izango duzue, 65,60€/kg prezioan. Aurreko edizioekin alderatuta, azpizunaren prezioa dexente igo dutela ikusiko duzue, arrazoia orain arte txekorraren azpizunaren prezioan behi zarraren azpizuna saltzen zutela da eta esan digutenez ez zen batere prezio duina haientzat ekoizpen kostuak nabarmen altuagoak baitira eta behi bakoitzarekin azpizun gutxi eskuratzen baitute.
40 urte baino gehiago daramate behiak hazten Oihanalde Baserrian. Gaur egun Arantxa eta Felix dira proiektuaren buru baina pixkanaka erreleboa ere lantzen hasteko urratsak ematen hasiak dira. Laboren ondotxo ezagutzen dugu Oihanaldeko haragi ekologikoaren kalitate bikaina. Angus arrazako behiak hazten dituzte eta normalean Laborera ekartzen digutena txeko-haragia izaten da, gaztearena. Horregatik eskaintzen dizuegu zaharrarena eskuratzeko aukera.
Oihanalde Baserriko behien elikadura honakoek osatzen dute:
– Larreetako belarra
– Belar lehorra
– Belar entsilatuta
– Sagar patxa
– Forrajea (xirta+oloa)
– Azkeneko hilabetetan aurreko elikadurari pentsu pixkat gehitzen zaio zereal ekologikoa oinarri duena.
Behi zaharraren haragia 5kg edo 10kg-ko loteetan eskuratu ahal izango dugu. 5kg-ko loteetan honako haragi mota bakoitzetik pakete bakarra jasoko dugu eta 10kg-ko lotea hartuz gero berriz, bakoitzetik 2 pakete:
– Txuleta
– Sahieskia (xerratuta+zati osoa)
– Xerrak extra
– Xerrak 1ª
– Xerrak 2ª
– Txankarra (salda egiteko)
– Gisatzeko haragia
– Haragi xehetua
Zaharraren 5kg-ko lotea: 95€
Zaharraren 10kg-ko lotea: 180€
ESKAERAK egiteko azken eguna: MARTXOAK 19, asteazkena, 12:00ak baino lehen.
JASOTZEKO: MARTXOAREN 26an, asteazkena, 18:00etatik aurrera.
Gogoratu kanpainetan parte hartuz, zuen erosketa konpromisoaren bitartez eskaera potoloak egiteko moduan izaten garela eta beraz, ekoizleei laguntzeko modu eraginkorrena dela, ekoizpenaren zati handi baten merkaturatzea bermatzen baitiogu aldez aurretik.
Eskaera egin nahi izanez gero, bidali emaila laborezain@laboreoarso.eus helbidera edo Dendan jakinarazi.
Animatu eta egin zuen eskaerak!!