Apirilaren hasieran Hazien gaia jarri nahi dugu lehen lerroan. Elikadura burujabetzarako bidean berebiziko garrantzia baitute haziek. Via Campesinako Europako koordinatzaile Guy Kastler-ek dioen bezala, “Hazia kontrolatzen duenak elikadura kontrolatzen du. Elikadura kontrolatzen duenak herria kontrolatzen du.”
Hazien gaia lantzeko bi proposamen antolatu ditugu: batetik, apirilaren 8an Haziak liburuaren aurkezpena izango dugu Laboren eta bestetik, Percy filma proiektatuko dugu apirilaren 10ean Landetxen.
Percy Schmeiser nekazariari demanda jarri dio korporazioko erraldoi batek, patentatutako haziak ustez erabiltzeagatik. Baliabide gutxi ditu Percyk borroka legal bat libratzeko. Jackson Weaver abokatuarekin eta Rebecca Salcau ingurumen-aktibistarekin elkartuko da ordea Percy, Gorte Gorenera iritsiko den kasu monumental baterako. Benetan merezi duen filma da beraz, ez galdu aukera eta zatoz!!
Gainera Laboreko bazkide izateagatik sarrera doan duzue. Sarrera https://sarrerak.oiartzun.eus/ helbidean eskuratu ahal izango duzue martxoaren 31atik aurrera. Erosketa prozesuan LaboreOarso kodea sartu beharko duzue doakoa izan dadin.
