Sendabelarrekin etxean neguko xarabea nola prestatu azaltzeko saio teoriko-praktikoa
egiteko Garbiñe Larrea aditua etorriko zaigu Laborera azaroaren 28an. Duela urte batzuk
sendabelarren inguruko herri-jakinduria partekatu eta transmititzeko saioak
egin genituen eta Oiartzungo jende andanak parte hartu zuen. Azkenaldian
Garbiñe xarabea prestatzearen inguruko saioak egiten dabil eta ikusita nolako
interesa pizten duen herrian, ez dugu aukera galdu nahi.
Saioa 18:00etan hasiko da eta 1,5h-ko iraupena izatea aurreikusten dugu. Goiko hitzaldi gelan izango da Garbiñek bere sukalde propioa ekartzen baitu bere elaborazioak egiteko. Saioa doakoa izango da baina aforoa mugatua denez, bazkideok izango dugu lehentasuna. Hitzordura bertaratzekoak bazarete, aldez aurretik jakinaraztea eskertuko genizueke antolaketa errazteko.
Garbiñeri entzutea beti izaten da plazerra eta zuetako askok asko estimatzen duzuela jakinda, ahalegina egiten dugu urtero Laborera ekarrarazteko. Gainera udazkenero uzta berria izaten duenez, beti badu aitzakia dakiena gurekin partekatzera etortzeko. Baliatu aukera eta zatoz!! Bertan ikusiko dugu elkar!!
