Mugen gainetik GKEa gurekin harremanetan jarri zen elkarlanean Donostiako eskola-jangelak elikadura burujabetza eredurantz proiektu kooperatiboa gauzatzeko. Donostiako Udalaren Gizarte Eraldaketarako lan-lerro honen baitan sentsibilizazio eta hezkuntza arloko jarduerak garatuko ditugu. Labore Oarsoren bokazioa kontsumo-kultura berria sortzea eta lehenengo sektorea bultzatzea izanik, jasotako proposamena aukera paregabea iruditu zaigu gure balore eta lan-ildoak lau haizetara zabaltzen jarraitzeko.
Helburu Orokorra: Donostiako ikastetxeetan jantokien kudeaketa-ereduei buruzko kontzientzia kritikoa sortzen laguntzea, tokiko kontsumo jasangarri ekofeministaren ereduetara hurbilduz ikuspuntu lokal/globala kontuan hartuz.
Berariazko helburua: Donostiako ikastetxeetako komunitateak elikadura burujabe jasangarri ekologiko eta feministaren kontzeptuaren inguruan sakontzea eta barneratzea, tokiko ikuspegi globalarekin, gure kontsumo ereduak hego-hemisferioko herrialdeetan, bereziki komunitate indigenetan, duen eragina aztertuz, euskaraz, eta eskoletako jangeletako menuek ikasleen osasun, ohitura eta kontzientzian duen eragina kontutan hartuz.
Elkarlan honen baitan hainbat euskarritan material desberdina sortuko dugu, lehen emaitza gisa gazte zumaiar “influencer” baten bideo laburrak argitaratzen joango gara gure sare sozialetan. Gazteak elikadura-burujabetzaren garrantziaz sentsibilizatzeko. Honakoa duzue aurrenekoa, tomateari eskainia.