Oiartzungo herritar talde batek, gaur egun eragiten diguten mendekotasun mota ugari eta askotarikoekin arduratuta, lehen bilera ireki bat antolatu du datorren martxoaren 27an Arizmendienen. Ez dute mendekotasun bakar batean zentratu nahi, nahikoa baita ingurura begiratzea zein askotarikoak diren konturatzeko: mugikorrak, jokoak, drogak, alkohola, etab. Haien asmoa gune bat sortzea da gai honen inguruan interesa edo kezka duten pertsonekin biltzeko, elkarrekin hausnartzeko eta lan egiteko. Informazioa eman, aurrea hartu eta, zergatik ez, dinamika berriak proposatu nahi dituzte herrian.
