Askok eskertu diguzue Garbiñe Larrea gonbidatu izana eta egia esan, plazer hutsa izan zen beste behin gurean izatea Garbiñe, orduak eta orduak emango genituzke harengandik ikasten. Oraingo honetan kosmetikaren inguruan aritu zen.
Elikadura zaintzearen ohitura piskanaka zabaltzen ari da baina egunerokoan erabiltzen dugun kosmetikari behar adina erreparatzen ote diogu? Garbiñek argi esan zigun gaur egungo amiantoa kosmetikaren bidez xurgatzen ari garela. Bereziki emakumeoi eragiten diguten disruptore endokrinoak barneratzen ari gara horrela. Ez galdu gaiaren inguruan Garbiñeren elkarrizketa interesgarri hau irakurtzeko aukera. Kosmetikoak sendabelarrekin liburua oinarri hartuta zuen krema eta xaboiak etxean egitera animatzen zaituztegu eta erostea nahiago baduzue, ondo fijatu osagaietan kremak, xaboiak, hortzetako pastak, eguzkitako krema, makilajea, etab. aukeratzeko orduan. Sarritan marken posizionamenduarekin eta salmenta puntuekin erraz erortzen baikara tranpan. Lehen urrats gisa instalatu zuen mugikorretan Ingred aplikazioa eta kontsultatu osagaiak, oso erraza da.
Milesker hitzordura etorri zineten guztioi eta nola ez, eskerrak zuri Garbiñe gure gonbita onartu eta zure jakinduria behin bat gehiagoz gurekin partekatzera etortzeagatik!!
