Laboren eskuragai
- Kuiatxoa
- Erremolatxa
- Ozpina
- Kuiluzea
- Espezieak
Kuiatxo-biribilkiak erremolatxaz beteak
OSAGAIAK (2 pertsonentzako)
- 2 Kuiatxo
- Erremolatxa bat
- 2 koilarakada ozpin
- Kuiluze 1
- Baratxuria hautsan
- Kurkuma
PRESTAKETA
Ondo garbitu eta moztu kuiatxoak xafla oso meheetan. Kurkuma pixka bat eta baratxuri xehatua xaflen alde bakoitzean gehitu.
Zartagi bat berotzen jarri su ertain-altuan, eta kalabazin-xaflak jarri oliorik gabe bi minutuz alde bakoitzetik. Kendu eta gorde, prestakinekin jarraitzen duzun bitartean.
Erremolatxa zuritu eta birringailuarekin xehetu. Moztu kuiluzea karratu txikitan. Aprobetxatu kuiatxoa sukaldatu duzun zartagia, prestatu berri duzun entsaladaren osagaiak nahasteko, eta sagar-ozpina, baratxuria eta kurkuma gehitu.
Jarri kuiatxo-laminak gainazal lau baten gainean, eta entsaladaren koilarakada bat gainean jarri, biribildu eta zerbitzatu.
IRUZKIN DIETETIKOA
Kuiatxoa beti kremen bidez kontsumitzen den arren, aukera gehiago ere badaude. Errezeta honetan, erremolatxaz betetako biribilkiak egiten ikas dezakezu. Bitamina eta mineral asko dituen barazkiaz topera gozatzeko errezeta da. Lehenengo plater edo akonpainamendu gisa balio du.