Batzarrean esan genizuen moduan gure dendarien oporraldia kubritzeko lan-poltsa osatu nahi dugu. Momentu honetan lan-taldeko bi kide bajan ditugu eta Aste Santua gerturatzearekin bat piskanaka gainerako langileok oporrak hartzen hasiko garenez, Dendaren martxari egoki eutsi eta gainerako langileok ez kargatzeko oporretan dagoenaren ordezkapena antolatu nahi dugu.
Beraz, Oiartzungo gure dendarako dendarien oporrak kubrituko dituen norbaiten bila gabiltza. Ezinbestekoa da Labore Oarsoren proiektuaren printzipio eta filosofiarekin bat egitea, taldean lan egiteko gaitasuna izatea, proiektuan sinestea, pertsona malgua eta traturako erraztasuna duena izatea.
Eskainitako lan-postua
Eskaintzen duguna aldi baterako kontratua da, oporretan dagoen eta beraz, ordezkatu beharko duen dendariaren lan-jardunaren arabera, astean 30h-ra artekoa. Lan-jarduna astelehenetik larunbatera txandaka izango da.
Dakizuen moduan Dendaren ohiko ordutegia honakoa da:
• Astelehenetik ostiralera: 9:30-13:30/16:30-20:00
• Asteazkenetan: 9:30-20:00
• Larunbatetan: 10:00-13:00
Ardurak eta betebeharrak
Bilatzen dugun pertsonak izango dituen ardura eta betebeharrak hauexek dira:
• Finkatutako irizpideak jarraituz, denda hornitzea.
• Bazkide kontsumitzaileekin tratu adeitsua izatea.
• Hornitzaileei harrera, eskariak ongi datozela egiaztatu eta dagokion kasuan itzulketak bideratu.
• Kontsumitzaileei erosketak kobratu.
• Asteroko enkarguen kudeaketa.
• Biltegiaren antolaketa egokiaz arduratu.
• Dendan eskaintzen diren produktuen ezagutza.
• Dendaren garbiketa.
• Programa informatikoa ezagutu eta elikatzea.
Balorazio irizpideak
Aurkeztutakoen artean aukeraketa egiteko, honako irizpideak izango ditugu kontutan:
• Dendari bezala eskarmentua izatea
• Euskaraz zein gazteleraz ongi hitz egin eta idazteko gaitasuna.
• Elikadura burujabetzaren ezagutza
• Taldean lan egiteko gaitasuna
• Langilea eta bizia izatea
• Baikortasuna, enpatia eta jarrera eraikitzailea
• Egoki komunikatzeko gaitasuna
• Informatikako ezagutza
• Labore Oarsoko bazkidea izatea
• Oarsoaldeakoa izatea
• Herrigintzan esperientzia izatea
• Ordenatua, proaktiboa eta erabakiak hartzeko gaitasuna izatea
Galdera ikurra eragiten badizu deialdiak, animatu eta bidali zure hautagaitza. Lan-talde jatorra dugu eta giro onean interes publikoko herri-proiektu bat eraikitzea lortu dugu, herritik eta herriarentzat sortutakoa. Parte izan nahi duzu?
Interesa izanez gero, bidali laborezain@laboreoarso.eus helbidera zure curriculuma apirilaren 15a baino lehen.
